അവർ “ജോലി ചെയ്യാൻ ജീവിക്കുക” അല്ല, “ജീവിക്കാൻ വേണ്ടിയാണ് ജോലി ചെയ്യുന്നത്

ഒരു കോൺടെന്റ് ക്രിയേറ്റർ ആകുവാൻ വേണ്ടി 9-5 ജോലി ഉപേക്ഷിച്ചത് എന്തുകൊണ്ടാണെന്ന് തന്റെ ഡച്ച് ബോയ് ഫ്രണ്ടിന് ഒരിക്കലും മനസ്സിലായില്ല.എന്നാൽ യൂറോപ്പിൽ കുറച്ചു ദിവസങ്ങൾ ചിലവഴിച്ചപ്പോൾ അതിന്റെ കാരണം മനസ്സിലായി എന്ന് ബെംഗളൂരു ബേസ്ഡ് കോൺടെന്റ് ക്രിയേറ്റർ സോണി സലോണി.

യൂറോപ്പിന്റെ തൊഴിൽ സംസ്കാരം ഡിഫെറെൻറ് ആണ്.ഞായറാഴ്ചകളിൽ മിക്കതും ക്ലോസ്ഡ് ആയിരിക്കും. പ്രവൃത്തി ദിവസങ്ങളിൽ, റെസ്റ്റോറന്റുകളും കടകളും വൈകുന്നേരം 6 മുതൽ 8 നുള്ളിൽ അടച്ചിരിക്കും.ഞായറാഴ്ചകൾ പ്രധാനമായും വിനോദത്തിനായി നീക്കി വെക്കുന്നു. വേനൽക്കാലത്ത്, മുഴുവൻ രാജ്യവും ഒന്നും ചെയ്യുന്നില്ല. ആളുകൾ സൺ ബാത്ത് ചെയ്യുന്നു, സുഹൃത്തുക്കളോടൊപ്പം പിക്നിക് ചെയ്യുന്നു, ടാറ്റൂ ചെയ്യുന്നു, സംഗീതം ഉണ്ടാക്കുന്നു, പെയിന്റിംഗ് ചെയ്യുന്നു, സ്കിന്നി ഡിപ്പിംഗ് ചെയ്യുന്നു…

അവർ “ജോലി ചെയ്യാൻ ജീവിക്കുക” അല്ല, “ജീവിക്കാൻ വേണ്ടിയാണ് ജോലി ചെയ്യുന്നത്”… നമ്മൾ പാരീസിലെ എമിലി സിനിമയിൽ കേൾക്കുന്നതുപോലെ .

എന്റെ യൂറോപ്യൻ സുഹൃത്തുക്കൾക്ക്, ഓവർടൈം വർക്കിന്‌ കോമ്പൻസേഷൻ ലഭിക്കുന്നു. 9-5 ജോലി അർദ്ധരാത്രി വരെ നീണ്ടുനിൽക്കില്ല. അല്ലെങ്കിൽ അവർ ഉയർന്ന മാനേജ്‌മെന്റിൽ പരാതിപ്പെടുന്നു.അതേസമയം, ഇന്ത്യയിൽ ഞങ്ങൾ ഓട്ടം തുടരുന്നു; വാരാന്ത്യങ്ങളിൽ ജോലി ചെയ്യുന്നു. ഞങ്ങളുടെ നാഡീവ്യൂഹം ഒരിക്കലും എലിച്ചക്രത്തിന്റെ പിടിയിൽ നിന്ന് രക്ഷപ്പെടുന്നില്ല.

യൂറോപ്യന്മാർക്ക് മാസങ്ങളോളം ജോലിസ്ഥലത്ത് PTO (പെയ്ഡ് ടൈം-ഓഫ്) ലഭിക്കുന്നു. അതേസമയം, 90 മണിക്കൂറിലധികം ജോലി ആഴ്ചയിൽ വേണമെന്ന് വാദിക്കുന്ന, ഞായറാഴ്ചകളിൽ ജോലി ചെയ്യുന്ന, പറയുന്ന “ഇതിഹാസ” നേതാക്കൾ നമുക്കുണ്ട്..

“വീട്ടിൽ ഇരുന്നു നീ എന്താ ചെയ്യുന്നത്? എത്ര നേരം നിനക്ക് നിന്റെ ഭാര്യയെ നോക്കി നിൽക്കാൻ കഴിയും? ഓഫീസിൽ പോയി ജോലി ചെയ്യൂ ..എന്നൊക്കെ പറയുന്ന സംസ്കാരത്തിൽ ആണ് നമ്മൾ ഉള്ളത്