52-ആം വയസ്സിൽ തുടങ്ങിയ ബേക്കിങ് ബിസിനസ്; ആദ്യ മാസം ₹85,000 വരുമാനം | Bloom Bites
വീട്ടമ്മയിൽ നിന്ന് സംരംഭകയിലേക്ക്… അതാണ് കോഴിക്കോട് കൊയിലാണ്ടി സ്വദേശിയായ രമണിയുടെ കഥ.
കുടുംബത്തിനായി ജീവിതത്തിന്റെ ഭൂരിഭാഗവും മാറ്റിവെച്ച രമണിക്ക് ബേക്കിംഗ് എന്നും പ്രിയപ്പെട്ടൊരു കാര്യമായിരുന്നു. കഴിഞ്ഞ ആറ് വർഷമായി YouTube വീഡിയോകളിലൂടെയും ഓൺലൈൻ റിസോഴ്‌സുകളിലൂടെയും സ്വയം പഠിച്ചാണ് കേക്കുകളും ഡെസേർട്ടുകളും തയ്യാറാക്കാൻ തുടങ്ങിയത്. കുടുംബത്തിനും സുഹൃത്തുക്കൾക്കുമായി തുടങ്ങിയ ആ പരീക്ഷണങ്ങൾ പതിയെ ഒരു വലിയ സ്വപ്നമായി വളർന്നു.
ശസ്ത്രക്രിയയെ തുടർന്ന് മൂന്ന് മാസത്തോളം വിശ്രമിക്കേണ്ടി വന്ന സമയത്താണ് സ്വന്തം സ്വപ്നങ്ങളെക്കുറിച്ച് രമണി വീണ്ടും ചിന്തിച്ചത്. കുടുംബത്തിന്റെ പിന്തുണയും പ്രോത്സാഹനവും കൂടി ലഭിച്ചതോടെ, 52-ാം വയസ്സിൽ തന്റെ സ്വപ്നത്തിന് പിന്നാലെ പോകാൻ അവർ തീരുമാനിച്ചു.
2026 മാർച്ചിൽ അങ്ങനെ Bloom Bites പിറന്നു…
View this post on Instagram
പുതിയ സംരംഭം തുടങ്ങാൻ ആവശ്യമായ നിക്ഷേപത്തിനായി സ്വന്തം സ്വർണാഭരണങ്ങൾ പോലും വിൽക്കേണ്ടിവന്നു.ബേക്കിംഗ് എക്സ്പീരിയൻസോ മുൻകാല ബിസിനസ് പരിചയമോ ഇല്ലാതെ, പരീക്ഷണങ്ങളിലൂടെയും നിരന്തരമായ പരിശ്രമത്തിലൂടെയും ഓരോ കാര്യവും പഠിച്ചെടുത്തു. ഉൽപ്പന്നങ്ങളുടെ ഗുണനിലവാരം ഉറപ്പാക്കാൻ പലപ്പോഴും രാത്രി വൈകിയും ഒറ്റയ്ക്ക് അധ്വാനിച്ചു..
എന്നാൽ ആ പരിശ്രമങ്ങൾക്ക് ആദ്യ മാസം തന്നെ വലിയൊരു പ്രോത്സാഹനം ലഭിച്ചു. Bloom Bites-ന്റെ ആദ്യ മാസത്തെ വരുമാനം ₹85,000!
രമണിയെ സംബന്ധിച്ചിടത്തോളം ഇത് വെറുമൊരു സാമ്പത്തിക നേട്ടമായിരുന്നില്ല . സ്വന്തം അധ്വാനത്തിലൂടെ പണം സമ്പാദിക്കാനും, സ്വയം എന്തെങ്കിലും നേടിയെടുക്കാനും കഴിയുമെന്ന ആത്മവിശ്വാസത്തിന്റെ തുടക്കം കൂടിയായിരുന്നു അത്.
ഇന്ന് കേക്കുകളും പേസ്ട്രികളും വിവിധ ഡെസേർട്ടുകളും സ്നേഹത്തോടെ തയ്യാറാക്കുന്ന Bloom Bites, ഒരു വീട്ടമ്മയുടെ സ്വപ്നം യാഥാർഥ്യമാകുന്നതിന്റെ ഉദാഹരണമാണ്.
“സ്വപ്നങ്ങൾ കാണാൻ പ്രായം ഒരു തടസ്സമല്ല. സ്വയം വിശ്വസിച്ച് ആദ്യ ചുവടുവെക്കാൻ തയ്യാറാകുക.”
52-ാം വയസ്സിൽ സ്വന്തം സ്വപ്നത്തിന് തുടക്കമിട്ട രമണിയുടെ ഈ യാത്ര, പുതിയൊരു സംരംഭം തുടങ്ങാൻ ആഗ്രഹിക്കുന്ന നിരവധി സ്ത്രീകൾക്ക് പ്രചോദനമാകട്ടെ.
📍 Bloom Bites | കൊയിലാണ്ടി, കോഴിക്കോട്, കേരളം
Advertisement